Sermon Theology

Mah Zawn Lawng I Ruahnak

Written by Sang Uk Cung

Baibal Relnak:  “Na inn pa kha nangmah na dawt bantuk in na dawt lai” (Mt 22:39; Rom 13:9b ; Gal 5:14; Jeim 2:8)

Biahmaithi

Khrihfami kan nunnak ah hin kan rian nganbik pakhat cu kanmah kan i dawt bantuk in midang dawt ve kha a si. Cucu Pathian nih minung a kan dawtnak ruang ah a si i, cu dawtnak cu khrihfami hna nih kan nun caan tawi teah kan rian nganbik a si. Cu dawtnak tling kan ngeih khawhnak ding caah kan ral nganbik cu “Mah zawn lawng  i ruahnak” nun hi a si.

  1. “Mah zawn lawng i ruahnak” biafang hi caan donghnak hmelchunhnak biafang Pakhat a si ve.

II Timote 3: 1-2 kan zoh ahcun,” “Ni hmanung bik kha an phak tikah harnak caan a si lai ti kha philh hlah. Mi cu anmah zawn lawng aa ruatmi….. tiah kan hmuh. Mah zawn lawng ruahnak  cu khrihfa nun he ai ral kahmi nun a si.

  1. Mah Zawn Lawng I Ruahnak I A Hung Chuahmi:
  2. Theitha thlai khawhlonak le mah tlaunak: “A hopaoh a nunnak a dawmi nih cun a nunnak cu a thau lai” (Johan 12:24,25)
  3. “U le nau herhbaunak ah innka khar kanh a hmang” (1 Johan 3:16-17)
  4. khiarnak a si: Phungthlukbia 11:26 ahcun, ” A rawl kha zuar a siang lomi cu mi nih chiar an serh, sehmanhsehlaw zuar a siangmi cu mi nih thluachuah an pek. timi zong hi Mah zawn lawng i ruahnak kan ngeihnak nih kan cungah a tlung dingmi cu chiatserhnak a si.
  5. Pathian chiatserhnak a si. (Mt 25:41-46)
  6. Mah Zawn Lawng I Ruh Lo A Bia Pitnak:
  7. Pathian nih a kan duhpiakmi a si: “Na inn pa kha nangmah na dawt bantuk in na dawt lai” (Mt 22:39; Rom 13:9b ; Gal 5:14; Jeim 2:8)
  8. Zultu hna nunzia sining a si: “A hohmanh zulh an ka duh ahcun mah zawnruahnak kha nan ngol lai…” (Lk 9:23)
  9. Abram nih a tu pa lot kha a duhnak ram kha a thiam ter. (Gen 13:8,9). Abram nih amah duhnak ai thim hmasa lo caah ramthatnak a ting lo. Sihmanhsehlaw a sathil hna cu an thau thiamhtiam ko. Lot cu ramtha i thim hmanhsehlaw Pathian duhning i a nunlomi hmun a si caah lot le a chungkhar cu harnak faktuk an tonnak khua tu ah a cang.
  10. Mah Zawn Lawng A Ruatlomi Hna Nun:
  11. Moses Nun (Ex 32:30-32): Midang sualnak ngeihthiamnak caah amah nunnak kha ai pemi nun a ngei.
  12. Job Nun (Job 29:12-16): Sifakmi bawmtu, Nuhmei lunglawm in hla a saktertu, Mitcawmi hna caah mit, Ke bei mi hna caah Ke ka rak si a ti. Cucaah Bawipa nih Job cu  a vanthatnak kha a pek than I a ngeihmi kha a lethnih in a pek than.( Job 42:10)
  13. Jesuih nun (Johan 10:11, 2Kor 8:9 Mark 10:45,): Jesuh kan tukhal tha a si. Tu khal tha cu a tuu caah a lu hloh kha a sian (Johan 10:11). A rum nain nanmah raung ah sifak ah a cang. Cu ti a can cu a sifaknak khan nan nih cu rumter an duh han caah a si.(2Kor 8:9). Riantuan piakmi si awk ah ka rat tung lo, midang riantuan piak tu si awk le mi tampi tlanhnak ding ca i kan nunnak pek awk ah pei ka rat cu,” tiah a ti .( Mark 10:45). Khrih nun hi khrihfami hna nih kan i zohchun dingmi nunnak a si.
  14. 4. Lamkaltu chan khrihfabu nun: An ruahnak le an lungthin kha aa khat dih i an ngeih kha an i hrawm.(Lamkaltu 4:32-35)
  15. Lamkaltu Paul nun (1 Kor 10:33; 2 Kor 12:15; Rom 9:3): Keimah ca thatnak ding kha ruat loin mi vialte thatnak ding tu kha ka ruat deuh i; cu ti ka ruah cu khamhnak an hmuh khawhnak hnga caah a si. (1 Kor 10:33b). 2kor 12:15 ahcun , “ Nanmah bawmhnak dingah hin ka ngeihmi vialte le ka pum zong hi hman dih ka duh ko” tiah a ti.  Rom 9: 3 ahcun “ Anmah ca i a tha ding a si ahcun keimah hi Pahtian chiatsernak in i Khrih he i then hmanh kha ka duh deuh. Paul nunnak taktak hi Mission lungthin a si i cucu Khrihfa mi hna nih kan i zohchun awk nun a si.
  16. Timote nun (Phil 2:19-22): Paul nih Filipi khuami hna sinah ca a hei kuatmi ahcun, “Nan thawgnpang nih lungthatnak a ka pek lai ti ruahchannak ka ngei caah Timote kha nan sinah tuan i ratter kha a si kho lai tiah  Bawi Jesuh cu ka zumh ko. Amah lawng hi keimah lungthin bantuk a ngei i nan zawn an ruat taktak mi hna  cu a si tiah a ti.

Biadonghnak

“Mi dang ca i nun” kan timi hi kan phaisa le kan thilri lawng si loin kan Lungput kha a biapi tuk. Filipi2:5-8, “Nan lungput cu Khrih nih a rak ngeihmi lungput kha si seh; cucu hihi a si: Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo. Amah lungtho te tu in cu vial cu a hlawt dih i  sal sinak tu kha aa lak; Minung bantuk ah a cang i minung mui in a lang; Mi toiah aa dor i nawlngaihnak lam kha thih tiangin a zulh— vailam cung thihnak kha.

U le nau hna, Khrih nih a rak ngeihmi lungput cu Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo. Kan nih kan lungput cu zeihmanh si lo tung i, zeithil poah a theih ngaimi phun in kan um tawn. Khrih cu Mi toiah aa dor i nawlngaihnak lam kha thih tiangin a zulh. Kan nih cu Mi toidornak le nawlngeihnak  kan ngeih lo ruang ah nifa kan nun ah Khrihfa Iang kan ngei kho tawn lo.

“Khrihfa nun” kan timi cu nangmah le keimah kan nun in ai thawk awk a si. Cucaah ni fate kan nunnak ah kanmah ka si khawh tawkte le kan khap cio tein kan innpa caah siseh, midang caah siseh, ‘NUN’ kha kan Bawipa Jesuh khrih nih a kan duh piakbikmi MURU cu a si.

 Pathian nih fiannak in pe ko seh.

Rev. Sang Uk Cung

 

About the author

Sang Uk Cung

I am very interested to support the empowerment for the persons with disabilities in Myanmar.

Leave a Comment

This site uses Akismet to reduce spam. Learn how your comment data is processed.